القصة بدأت من حوالي ست شهور، لما اتنقلت لفرع الشركة الجديد. كان مديري هناك اسمه “عصام”، راجل في أواخر التلاتينات، أنيق وهادي في كلامه، وشغله مسمع في الشركة كلها. بصراحة كده، من أول يوم شفته فيه وأنا حاسة بإعجاب ناحيته. نظراته ليا، طريقة كلامه الذوق، واهتمامه بالتفاصيل الصغيرة الخاصة بيا.. كان كل ده بيخليني أحس إنه كمان مهتم بيا ومش مجرد نظرة مدير لموظفة عنده.
مرت الأيام، والإعجاب بيزيد جوايا بس كنت كاتمة في نفسي ومببينش، لحد ما جيه يوم الخميس بعد الظهر، وقبل ما اليوم يخلص، لقيت عصام بيبعتلي مسج على الواتساب وبيقولي: “لو فاضية اليومين دول، حابب نقعد مع بعض في مكان هادي نتكلم في موضوع مهم يخصنا.. بعيد عن جو الشركة والشغل.” قلبي وقتها كان هـ,ـربان مني من الفرحة! قلت لنفسي خلاص، هيعترفلي بالحقيقة والموضوع مابقاش أوهام في دماغي. اتفقت معاه على كافيه راقي وقريب من وسط البلد، حددنا الميعاد يوم الجمعة بعد العصر.
رحت الميعاد وأنا متزوقة ومجهزة نفسي وكأني طايرة في الهواء. دخلت الكافيه لقيت عصام قاعد مستنيني، وواخد ترابيزة في مكان هادي ورايق. سلمت عليه وقعدت، وهو مبتسم ابتسامة ودودة أوي وقالي: “أنورتي الكافيه يا فنانة.. اطلبي العصير اللي بتحبيه.”
طلبنا عصير مانجو فراولة للاتنين، وقعدنا نتكلم في البداية عن الشغل والضغط اللي بيمر بيه اليومين دول، وبعدين بدأ يدخل في الموضوع. عصام قرب بالكرسي بتاعه ورفع عينه في عيني، وبصوت واطي كده وراسي قالي: “بصي يا ستي.. أنا متابعك من فترة، وشايف إنك إنسانة جميلة ومحترمة وبنت ناس، ومن غير لف ودوران.. أنا حابب أطلب إيدك للجواز، ومش عايز منك رد دلوقتي، فكري براحتك خالص.” أنا من كتر الفرحة والكسوف، حطيت عيني في العصير وماسكة الشاليموه بإيدي وبقلب العصير وأنا مبتسمة ومش عارفة أرد أقول إيه!
وفي لحظة والجو كله رومانسية وهدوء، لقيت خيال واقف فوق الترابيزة بتاعتنا! رفعت عيني بالراحة عشان أشوف مين، لقيت ست أنيقة جداً بس عينيها شرار، واقفة ومربعة إيديها، وبتبص لعصام بنظرة تخـ,ـوف، وبعدين بصتلي بكل برود وقالت بأسلوب شعبي أصيل وصوت مسموع في المكان كله: “مش تقول للعروسة يا عصام بيه إنك متجوز وعندك عيال الأول، ولا ناسي إن مراتك أهي واقفة قدامك بنفسها؟!” الصـ,ـدمة كانت كفيلة تخلي الشاليموه يقع من إيدي والعصير يتعصر في كوبايته!
عصام وشّه جاب ألوان: أحمر وأصفر وأسود